Қан мен оның компоненттерінің қауіпсіздігін қамтамасыз ету Республикалық қан орталығының негізгі мақсаты болып табылады. Ол үшін донорларды тұрақты медициналық тексеру жүргізіледі. Қан тапсырар алдында донор инфекциялық, соматикалық және созылмалы аурулардың болуына терапевт дәрігерінде медициналық тексеруден өтеді. Сауалнама толтырылғаннан кейін донор ұсынатын ақпаратты ескере отырып, тәуекел факторларын анықтау тұрғысынан құпия әңгіме жүргізіледі. Тұрақты донорлар жыл сайын медициналық тексеруден өтеді: ОАК, ЭКГ, ФГ. Трансмиссивті инфекциялардың болуына зертханалық зерттеулер жүргізіледі. Инфекциялық маркерлерге зертханалық зерттеу үшін донорлық қан үлгілерін іріктеу қанды немесе оның компоненттерін донациялау кезінде бір реттік вакуумдық пробиркаларда жүзеге асырылады.

Донордың қатысуымен зауыттық заттаңбада мынадай деректерді: донордың тегін, атын, әкесінің атын (ол болған кезде), тіркеу нөмірін (тіркеу кезінде берілген донациялау кодын немесе марканың нөмірін), қан тобын, резус-факторын және қан мен оның компоненттерін донациялау күнін көрсете отырып, арнайы жабық стерильді жүйені (гемакон) бастапқы паспорттау, сондай-ақ донордың тегін, атын, әкесінің атын (ол болған кезде), туған күнін, жынысын, тіркеу нөмірін (тіркеу кезінде берілген донациялау кодын немесе, қан мен оның компоненттерін донациялау күні.