РЕСПУБЛИКАЛЫҚ ҚАН ОРТАЛЫҒЫНДА ДОНОР КҮНІН МЕРЕКЕЛЕУ

Республикалық қан орталығында «Донор күніне 20 жыл: донорларға алғыс айтамыз» ұранымен Дүниежүзілік донорлар күнінің 20 жылдығына арналған салтанатты іс-шара өтті.

Мұндай оқиғалар Қазақстанда ерікті, өтеусіз донорлықты танымал етуге ықпал етеді, донорлықтың медициналық мүмкіндіктері мен болашақтары туралы хабардар болу деңгейін арттырады, сондай-ақ республика халқының адамгершілік және әлеуметтік жауапкершілік сезімін дамытады.

Бұл оқиғаның маңыздылығы Қазақстанда жыл сайын пациенттерге қан компоненттерінің шамамен 400 000 дозасын құюмен байланысты. Қан компоненттерін құю жарақаттар, қан кетулер, асқынған акушерлік патология, онкологиялық аурулар және т.б. кезінде туындайтын адам өміріне қауіп төндіретін ауыр жағдайларда жүзеге асырылады.

Баршаңызды Халықаралық донорлар күнімен құттықтаймыз! Шын жүректен зор денсаулық, бақыт, бақ-береке тілейміз!